Plantun de Prouvènço

Pèr coumpara dos planto d'encò nostre

Geum urbanum & Frankenia pulverulenta

Erbo-de-sant-Benòni

Geum urbanum

Rosaceae

Àutri noum : Erbo-benido, Erbo-de-sant-Benet, Benido, Benouito.

Noms en français : Benoîte commune, Herbe de saint Benoît.

Descripcioun :
L'erbo-de-sant-Benòni es uno planto coumuno de bos fres que se recounèis à si fueio coumpausado, si flour jauno pourtado pèr un long pecou, pièi sis akène roujo amé un long estile.

Usanço :
Li jóuini fueio podon èstre manjado en ensalado, pamens èi subretout la racino óudouranto qu'es emplegado coume sabourun, à la plaço dóu clavèu de girofle. Douno de goust au vin, à l'aigardènt e i dessèr. Aquesto racino estènt proun astringènto s'emplego coume venoutounico (cambo lourdo e moureno) e contro la fouiro. A peréu d'ùni prouprieta antiseptico e analgesico.

Port : Erbo
Taio : 0,3 à 1 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Geum
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à setèmbre

Liò : Bos fres - Orle de bos - Ribiero - Roubino
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Geum urbanum L., 1753

Erbo-franco(-enfrouminado)

Frankenia pulverulenta

Frankeniaceae

Nom en français : Frankénie annuelle.

Descripcioun :
Aquesto erbo-franco trachis dins li relarg sala de coustiero o de cop que i'a, dins li terro de l'en dedins. Rebalo au sòu emé de tijo proun ramificado. Li flour soun pichouneto, emé de petalo de 3 à 5 mm, roso e souleto. Li fueio, enfrouminado, an si bord envertouia.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Frankenia
Famiho : Frankeniaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 5 à 10 mm
Flourido : Printèms - Estiéu

Sòu : NaCl
Autour basso e auto : 0 à 50 m
Aparado : Noun
Mars à setèmbre

Liò : Mar - Sablo - Prado salado
Estànci : Termoumediterran à Mesoumediterran
Couroulougi : Subretroupicalo
Ref. sc. : Frankenia pulverulenta L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

CCC

ges

Geum urbanum & Frankenia pulverulenta

Coumpara Erbo-de-sant-Benòni emé uno autro planto

Coumpara Erbo-franco(-enfrouminado) emé uno autro planto